ایران کا امریکی بحری بیڑے یو ایس ایس ابراہم لنکن پر بیلسٹک میزائلوں سے حملہ

تہران : ایران کے پاسدران انقلاب نے امریکی بحری بیڑے یو ایس ایس ابراہم لنکن پر چار بیلسٹک میزائلوں سے حملے کا دعویٰ کیا ہے۔تاہم امریکہ نے ایران کے اس دعوے پر تاحال کوئی ردِعمل ظاہر نہیں کیا۔

یو ایس ایس ابراہم لنکن امریکہ کا پانچواں طیارہ بردار بحری جہاز ہے جس میں جدید ترین ایف-35 سٹیلتھ جیٹ طیارے شامل ہیں۔ یہ طیارے دُشمن کے ریڈار سے بچنے کی صلاحیت بھی رکھتے ہیں۔

اس بحری بیڑے میں سٹرائیک گروپ کے پاس ٹوماہاک کروز میزائلوں سے لدے ڈسٹرائر بھی ہیں اور عام طور پر اس کے ساتھ جوہری طاقت سے چلنے والی آبدوز بھی ہوتی ہے جو یہی میزائل فائر کرنے کی صلاحیت رکھتی ہے۔

بی بی سی ویریفائی کے ذریعے تصدیق شدہ سیٹلائٹ تصاویر کے مطابق، اسے 15 فروری کو عمان کے ساحل پر دیکھا گیا تھا۔

امریکہ نے ایران کے اس دعوے پر تاحال کوئی ردعمل ظاہر نہیں کیا ہے۔