70 سے 75 ارب روپےشہر کے انفرا اسٹرکچرپرخرچ کریں گے۔میئرکراچی

میئرکراچی مرتضی وہاب کا کہنا ہے کہ 2026 ترقیاتی کاموں کا سال ہے اور اس سال بلدیہ عظمیٰ 70 سے 75 ارب روپےکراچی کے انفرا اسٹرکچرپرخرچ کرےگی۔

کراچی میں عظیم پورہ فلائی اوور کے سنگ بنیاد کی تقریب سے خطاب کرتےہوئے مرتضی وہاب نے کہا کہ شاہراہ بھٹو سے ائیرپورٹ، قیوم آبادجانے والوں کومشکلات کاسامنا تھا، 100 دن کے اندر  اس فلائی اور کو مکمل کریں گے اور اس کے ساتھ ساتھ شمع جانے والے راستےکی بھی مرمت کی جائےگی۔

میئرکراچی نے کہا کہ ڈیڑھ ارب روپے کی لاگت سے فلائی اوورکاکام شروع کر دیا گیا ہے، ملیر15 اور میمن گوٹھ میں26 سڑکوں کی مرمت کرنے جارہےہیں، 3سڑکوں پر کام جاری ہے، اس کے علاوہ جناح ایوینیو سے بیگم خورشید روڈ کی بھی ٹینڈرنگ ہوگئی ہے۔

انہوں نے کہاں کہ  2026 ترقیاتی کام کا سال ہے، اس سال 70 سے75 ارب روپےکراچی کے انفرا اسٹرکچرپربلدیہ عظمیٰ خرچ کرےگی، کے ڈی اے الگ اور ٹرانسپورٹ منسٹری الگ کام کر رہا ہے۔