روس حالیہ جنگ کے دوران ایران کو انسانی امداد فراہم کرنے والا پہلا ملک بن گیا

روس حالیہ جنگ کے دوران ایران کو انسانی امداد فراہم کرنے والا پہلا ملک بن گیا ہے۔

کینیا میں روسی سفارت خانے کی جانب سے جاری بیان کے مطابق روس کا ایک Il-76 کارگو طیارہ 13 ٹن سے زائد طبی سامان لے کر آذربائیجان پہنچا، جہاں سے یہ امداد ایرانی حکام کو منتقل کی جائے گی۔

روسی وزارت ہنگامی حالات نے بتایا کہ امدادی کھیپ ادویات اور طبی سامان پر مشتمل ہے، اور آذربائیجان سے اسے ٹرکوں کے ذریعے سرحدی راستے ایران بھیجا جائے گا۔

یہ اقدام ایسے وقت میں کیا گیا ہے جب خطے میں کشیدگی بڑھ رہی ہے۔ وزارت ہنگامی حالات کے مطابق یہ امداد روسی صدر ولادی میر پیوٹن کے احکامات پر بھیجی گئی ہے۔