کابل میں دہشتگردی کے ٹھکانوں پر پاکستانی بمباری، 400 افراد مارے گئے، افغان طالبان دعویٰ

کابل اور قندھار میں پاکستان نے پیر کی شب دہشتگردوں کے ٹھکانوں پر فضائی حملے کیے جن میں افغان طالبان کے اسلحہ کے ذخائر اور دہشت گردی کے ٹھکانوں کو نشانہ بنایا گیا۔ تاہم افغان طالبان نے دعوی کیا ہے کہ کابل میں حملے میں 400 افراد مارے گئے۔

افغان حکومت کے ترجمانوں ذبیح اللہ مجاہد اور حمد اللہ فطرت نے دعوی کیا کہ حملہ منشیات کے عادی افراد کیلئے قائم مرکز پر ہوا۔ ان کا دعوی تھا کہ عمر اسپتال نامی یہ مرکز 2000 بیڈز پر مشتمل تھا اور حملے میں ڈھائی سو افراد زخمی بھی ہوئے ہیں۔

تاہم وزیراعظم شہباز شریف کے ترجمان مشرف زیدی کا کہنا تھا کہ کابل میں کسی اسپتال کو نشانہ نہیں بنایا گیا۔