ایران کے خلاف امریکی۔اسرائیلی جنگ سے عالمی سپلائی چین متاثر

ایران کے خلاف امریکہ اور اسرائیل کی جنگ کو تقریباً تین ہفتے گزرنے کے بعد عالمی سپلائی چین صرف تیل اور گیس ہی نہیں بلکہ دیگر کئی شعبوں میں بھی شدید متاثر ہو رہی ہے۔

رپورٹس کے مطابق ایران نے مؤثر طور پر آبنائے ہرمزکو بند کر دیا ہے، جس کے باعث ایلومینیم، ہیلیم، سلفر اور یوریا جیسی اہم اشیاء کی ترسیل رک گئی ہے۔ یہ اشیاء ہوابازی، سیمی کنڈکٹرز، کھاد کی تیاری اور طبی امیجنگ جیسی صنعتوں کے لیے انتہائی اہم سمجھی جاتی ہیں۔

ایلومینیم کی قیمتیں کئی برسوں کی بلند ترین سطح پر پہنچ گئی ہیں، جبکہ قطر نے اپنے ایل این جی تنصیبات پر حملوں کے بعد ہیلیم کی پیداوار روک دی ہے۔ دوسری جانب کھاد کی کمی کے باعث عالمی غذائی سپلائی کو بھی خطرہ لاحق ہو سکتا ہے۔

تجزیہ کاروں کا کہنا ہے کہ اگر یہ رکاوٹیں مزید طویل ہو گئیں تو مختلف صنعتوں میں مزید شدید بحران اور افراتفری پیدا ہونے کا خدشہ ہے۔