مشرق وسطیٰ کشیدگی کے اثرات، برطانیہ میں پیٹرول اسٹیشنوں پر گاڑیوں کی لمبی قطاریں

مشرق وسطیٰ میں ایران اور اسرائیل و امریکا کے درمیان جاری کشیدگی کے اثرات برطانیہ تک پہنچ گئے ہیں، جہاں پیٹرول اسٹیشنوں پر گاڑیوں کی لمبی قطاریں دیکھنے میں آ رہی ہیں۔

سپر مارکیٹوں کی طرف سے ایندھن کی سپلائی معطل ہونے اور پیٹرول اسٹیشنوں پر محدود فراہم کے بعد عوام میں بے چینی پائی جا رہی ہے۔ معمولی چارج کے بجائے کئی پمپ بند ہیں اور تیل کی بڑھتی ہوئی قیمتوں کے باعث لوگ سخت پریشان ہیں۔

مشرق وسطیٰ میں جاری لڑائی دوسرے مہینے میں داخل ہو چکی ہے اور آبنائے ہرمز کے بند ہونے سے عالمی سطح پر تیل کی سپلائی متاثر ہو رہی ہے۔ یمن میں حوثی باغیوں کے اسرائیل کے ساتھ جنگ چھیڑنے کے بعد صورتحال مزید پیچیدہ ہو گئی ہے، اور اگر بحیرہ احمر میں جہازوں پر حملے کیے گئے تو عالمی بحران سنگین ہو سکتا ہے۔

برطانیہ میں فی الوقت پیٹرول کی اوسط قیمت 150.11 پینی فی لیٹر اور ڈیزل 177.68 پینی فی لیٹر تک پہنچ چکی ہے، جبکہ عوام 200 پینی فی لیٹر تک دینے کے لیے تیار ہیں مگر سپلائی کی کمی بحران کو بڑھا رہی ہے۔