نیسڈیک لسٹنگ سے قبل ‘بنگ ایکس’ پر ‘ایس کے ہائنکس’ کی پری آئی پی او ٹریڈنگ شروع

اسلام آباد: دنیا کی معروف کرپٹو کرنسی ایکسچینج اور ویب3 اے آئی کمپنی ‘بنگ ایکس’ (BingX) نے سیمی کنڈکٹر اور مصنوعی ذہانت (AI) کے شعبے کی عالمی کمپنی ‘ایس کے ہائنکس’ (SK Hynix) کے نیسڈیک (Nasdaq) پر لسٹ ہونے سے قبل اپنے پلیٹ فارم پر اس کی ‘پری آئی پی او (Pre-IPO)’ ٹریڈنگ شروع کرنے کا اعلان کیا ہے۔

تفصیلات کے مطابق، ایس کے ہائنکس کی امریکی اسٹاک مارکیٹ نیسڈیک پر 10 جولائی کو باقاعدہ لسٹنگ متوقع ہے، جس سے قبل بنگ ایکس نے اپنے صارفین کے لیے اس تاریخی مارکیٹ ایونٹ میں حصہ لینے کی راہ ہموار کر دی ہے۔ اس آغاز کو یادگار بنانے کے لیے کمپنی نے 1 لاکھ ڈالرز (USDT) کے انعامی پول پر مشتمل ایک خصوصی پیش گوئی مہم بھی متعارف کرائی ہے۔

ایس کے ہائنکس کا ‘امریکن ڈیپازٹری ریسپٹ (ADR)’ مارکیٹ کی تاریخ کی سب سے بڑی پبلک آفرنگز میں سے ایک بننے جا رہا ہے۔ کمپنی نیسڈیک پر ٹیکر سمبل SKHY کے تحت تقریباً 17.79 ملین نئے شیئرز جاری کر کے 29.4 ارب ڈالرز تک کا سرمایہ حاصل کرنے کا ہدف رکھتی ہے۔ واضح رہے کہ سال 2014 میں دنیا کی پہلی ‘ہائی بینڈوتھ میموری (HBM)’ پروڈکٹ تیار کرنے والی کمپنی ایس کے ہائنکس مئی 2026 میں 1 ٹریلین ڈالرز کی مارکیٹ ویلیو کا ہندسہ عبور کر چکی ہے۔

بنگ ایکس کی جانب سے شروع کی گئی 100,000 USDT کی مہم کے تحت صارفین کو یہ پیش گوئی کرنی ہوگی کہ ٹریڈنگ کے پہلے دن ایس کے ہائنکس کا شیئر 166 ڈالرز سے اوپر کھلے گا یا نیچے۔ درست پیش گوئی کرنے والے کامیاب صارفین میں یہ انعامی رقم تقسیم کی جائے گی۔

بنگ ایکس کے برانڈ ترجمان پابلو مونٹی کا اس حوالے سے کہنا تھا کہ سرمایہ کاروں کی دلچسپی اب صرف کرپٹو کرنسیوں تک محدود نہیں رہی، بلکہ وہ عالمی سطح پر اے آئی (AI) کے شعبے کے بڑے لیڈرز اور تاریخی پبلک لسٹنگز میں بھی حصہ لینا چاہتے ہیں۔ بنگ ایکس پر اس سہولت کے ذریعے ہم اپنی کمیونٹی کو 2026 کے ایک بڑے مارکیٹ لمحے کا حصہ بننے کا موقع دے رہے ہیں۔