ایران نے جواب دیا تو امریکا دوبارہ حملہ کرے گا،ڈونلڈ ٹرمپ

امریکی صدر ڈونلڈ ٹرمپ نے ایران کو خبردار کیا ہے کہ اگر تہران نے حالیہ امریکی حملوں کے جواب میں کوئی کارروائی کی تو واشنگٹن کی جانب سے اس کا جواب پہلے سے زیادہ سخت اور وسیع پیمانے پر دیا جائے گا۔

ٹرمپ نے ایک امریکی ٹی وی چینل کو انٹرویو دیتے ہوئے کہا کہ امریکا نے ایران کے خلاف کیے گئے حملوں کو اپنے مؤقف کے مطابق جائز کارروائی قرار دیا ہے۔ ان کا کہنا تھا کہ اگر ایران نے جوابی حملہ کیا تو امریکا دوبارہ کارروائی کرنے سے گریز نہیں کرے گا۔

اس سے قبل امریکی سینٹرل کمانڈ کی جانب سے بتایا گیا تھا کہ امریکی افواج نے ایران کی پاسدارانِ انقلاب سے منسلک بعض ٹھکانوں کو نشانہ بنایا۔

ٹرمپ نے اس سے پہلے اردن میں موجود امریکی اڈوں پر پاسدارانِ انقلاب کے حملے کے حوالے سے بھی ایران کو سخت ردِعمل کی وارننگ دی تھی۔

ایران نے امریکی کارروائی کے بعد اپنے حملے کو امریکا کے حملوں کا جواب قرار دیا ہے۔ دونوں ممالک کے درمیان بڑھتی ہوئی کشیدگی کے باعث خطے میں مزید فوجی تصادم کے خدشات بھی بڑھ گئے ہیں۔