شمالی وزیرستان میں سیکیورٹی فورسز کا آپریشن،7 خارجی ہلاک
کارروائی کے دوران ہلاک ہونے والے افراد کے قبضے سے بھاری مقدار میں اسلحہ اور گولہ بارود برآمد کیا گیا
شمالی وزیرستان میں سیکیورٹی فورسز کا آپریشن،7 خارجی ہلاک
پشاور: شمالی وزیرستان میں سیکیورٹی فورسز نے انٹیلی جنس معلومات کی بنیاد پر کارروائی کرتے ہوئے 7 خارجیوں کو ہلاک کر دیا۔
سیکیورٹی ذرائع کے مطابق کارروائی کے دوران ہلاک ہونے والے افراد کے قبضے سے بھاری مقدار میں اسلحہ اور گولہ بارود برآمد کیا گیا۔ آپریشن کے دوران فتنۃ الخوارج سے تعلق رکھنے والے افراد کے متعدد ٹھکانوں کو بھی تباہ کرنے کا دعویٰ کیا گیا ہے۔
ذرائع کا کہنا ہے کہ یہ کارروائیاں عزمِ استحکام کے تحت جاری آپریشنز کا حصہ ہیں، جن کا مقصد خیبرپختونخوا میں فتنۃ الخوارج کی سرگرمیوں کا خاتمہ کرنا ہے۔