اسپیکر ایاز صادق کی زیر صدارت قومی اسمبلی کا اجلاس، اپوزیشن سراپا احتجاج
رکن اسمبلی کی وفات پر دعا کے لیے اجلاس ملتوی کردیا جاتا ہے۔ 11 اکتوبر کو اس ایوان کا بھی جنازہ نکل چکا ہے , بیرسٹر گوہر
فائل فوٹو
اسلام آباد: سپیکر ایاز صادق کی زیر صدارت قومی اسمبلی کا اجلاس شروع ہوگیا ، اس دوران اپوزیشن کی جانب خیبر پختونخوا میں ایمر جنسی اور گورنر راج کے نفاذ کے خلاف احتجاج کیا گیا۔
اسپیکر قومی اسمبلی نے کہا کہ محمود بشیر ورک اڑھائی سال آپ کے ساتھی رہے وہ دنیا سے چلے گئے آپ کو سیاست کی پڑی ہے۔
اس دوران بیرسٹر گوہر کا کہنا تھا کہ رکن اسمبلی کی وفات پر دعا کے لیے اجلاس ملتوی کردیا جاتا ہے۔ 11 اکتوبر کو اس ایوان کا بھی جنازہ نکل چکا ہے۔
اسپیکر قومی اسمبلی نے کہا کہ اس روایت کو ختم نہیں کیا جاسکتا ہم اس وقت محمود بشیر ورک کو خراج تحسین پیش کر رہے ہیں۔انہوں نے یہ بھی کہا کہ مذاکرات میں بہت کچھ دیا لیکن آپ تیار نہیں تھے۔