پاک ملیشیا مشترکہ انسدادِ دہشت گردی مشق ‘ہریماؤ مارخورIV’ کامیابی کیساتھ اختتام پذیر

راولپنڈی: پاکستان اور ملیشیا کی افواج کے مابین انسدادِ دہشت گردی کی چوتھی دو طرفہ مشترکہ مشق “ہریماؤ مارخور-IV” نیشنل کاؤنٹر ٹیررازم سینٹر پبی میں کامیابی کے ساتھ اختتام پذیر ہو گئی ہے۔

آئی ایس پی آر کے مطابق دو ہفتے جاری رہنے والی اس مشق کا بنیادی مقصد انسدادِ دہشت گردی کا تجربہ شیئر کرنا، عملی مشقوں اور طریقہ کار کو مزید بہتر بنانا، اور بہترین پیشہ ورانہ صلاحیتوں کا تبادلہ کر کے جنگی مہارتوں کو فروغ دینا تھا۔

آئی ایس پی آر کے مطابق اس مشترکہ مشق نے دونوں ممالک کے مابین دیرینہ فوجی تعاون اور انسدادِ دہشت گردی کے شعبے میں باہمی اشتراک عمل کو مزید مضبوط بنانے کے عزم کا اعادہ کیا ہے۔