سعودی اتحاد نے ریاض، ینبع اور بحیرۂ احمر کی جانب داغے گئے میزائل اور ڈرون مار گرائے

ریاض : سعودی قیادت والے فوجی اتحاد کا کہنا ہے کہ گذشتہ چند گھنٹوں کے دوران اس نے سعودی عرب کے مختلف علاقوں اور بحیرۂ احمر کے اوپر چھ فضائی اہداف کو روک کر تباہ کر دیا ہے۔

اتحاد کے ترجمان کے مطابق جنوبی علاقے اور ریاض ریجن میں تین ڈرون مار گرائے گئے، جبکہ بحیرۂ احمر کے اوپر دو کروز میزائل تباہ کیے گئے۔

ترجمان نے مزید کہا کہ ینبع کی جانب داغا گیا ایک بیلسٹک میزائل بھی روک کر تباہ کر دیا گیا۔ اتحاد کے مطابق یہ کارروائیاں گذشتہ چند گھنٹوں کے دوران انجام دی گئیں۔