میری بیٹی نے قرآن شروع سے آخر تک پڑھا، بل کلنٹن کا اعتراف

واشنگٹن: سابق امریکی صدر بل کلنٹن کا قرآن کریم اور مسلمانوں کے حوالے سے ایک اہم بیان سوشل میڈیا پر وائرل ہو رہا ہے، جس میں انہوں نے بتایا کہ ان کی بیٹی چیلسی کلنٹن نے مقدس کتاب قرآن مجید کا شروع سے آخر تک مطالعہ کیا ہے۔

ایک تقریب کے دوران گفتگو کرتے ہوئے سابق امریکی صدر بل کلنٹن نے کہا کہ وہ اس بات سے سخت نالاں ہیں کہ لوگ مسلمانوں کو صرف ان کے دین کی وجہ سے تنقید اور تحقیر کا نشانہ بناتے ہیں۔

Bill Clinton:

I'm tired of people denigrating Muslims for being Muslims.

The Quran says, and I first heard this from my daughter, who read the Quran from start to finish when she was 15 years old, and she said, "Read this."

Allah put the different people on the earth not that… pic.twitter.com/SuLh6KadfI

— Clash Report (@clashreport) October 21, 2026

بل کلنٹن کا کہنا تھا میں مسلمانوں کو محض مسلمان ہونے کی وجہ سے تنقید کا نشانہ بنانے سے تنگ آ چکا ہوں۔ قرآن مجید کہتا ہے اور یہ بات مجھے پہلی بار اپنی بیٹی سے معلوم ہوئی جس نے قرآن کریم شروع سے آخر تک پڑھا ہےکہ خدا نے تمام انسانوں کو مختلف بنایا ہے تا کہ ہم ایک دوسرے سے سیکھ سکیں اور ایک دوسرے کو جان سکیں۔

سابق صدر نے اسلام کے آفاقی پیغام اور تعلیمات کا حوالہ دیتے ہوئے کہا کہ دنیا کو باہمی احترام، برداشت اور ایک دوسرے کو سمجھنے کی ضرورت ہے۔ سوشل میڈیا پر بل کلنٹن کے اس بیان کو وسیع پیمانے پر سراہا جا رہا ہے اور اسے مختلف مذاہب کے درمیان ہم آہنگی اور رواداری کے لیے ایک مثبت پیغام قرار دیا جا رہا ہے۔