آرمی ایویشن کا ہیلی کاپٹر گر کر تباہ، ایف سی اہلکار شہید

کوئٹہ: کوہلو میں مغربی بائی پاس کے قریب آرمی ایویشن کا ہیلی کاپٹر گر کر تباہ ہوگیا۔ جس کے نتیجے میں 1 ایف سی اہلکار شہید اور 7 زخمی ہوگئے۔
پاک فوج کے تعلقا عامہ کے شعبے (آئی ایس پی آر)کے مطابق پاک فوج کا ہیلی کاپٹر زخمی ایف سی اہلکار کولے کر کاہلو سے کوئٹہ آ رہا تھا کہ کریش لینڈنگ کے دوران گر کر تباہ ہو گیا۔ جس کے نتیجے میں زخمی ایف سی اہلکار شہید ہو گیا جبکہ ہیلی کاپٹر کا پائلٹ اور دیگر 7 افراد زخمی ہو گئے ۔
ریسکیو حکام کے مطابق حادثہ ہیلی کاپٹر میں فنی خرابی کے باعث پیش آیا۔ زخمی اہلکاروں کو طبی امداد کے لئے اسپتال منتقل کردیا۔