بھارت میں طوفانِ بارش اور آسمانی بجلی گرنے سے 30ہلاک

نئی دہلی:بھارتی ریاستوں اتر پردیش، جھاڑ کھنڈ، مغربی بنگال اور مشرقی پنجاب میں شدید طوفانِ باد و باراں اور آسمانی بجلی گرنے کے واقعات میں کم از کم 30افرادہلاک ہوگئے ۔بھارتی ٹی وی کے مطابق مون سون سے قبل آنے والے اس طوفان میں جھکڑوں کی رفتار100 کلومیٹر فی گھنٹہ تک تھی۔ اترپردیش میں طوفان سے منہدم ہونے والے مکانات، درختوں کے اکھڑنے اور بجلی کے کھمبوں کے گرنے سے18فراد مارے گئے۔ ریاستی حکومت کے مطابق زخمی ہونے والوں کی تعداد 12 سے زائد ہے۔ آسمانی بجلی گرنے سے 6لوگ مغربی بنگال میں ہلاک ہوئے۔ واضح رہے کہ بھارت میں رواں برس مئی سے آنے والے طوفانوں کے غیرمعمولی سلسلے میں200 سے زائد انسان مارے جا چکے ہیں۔