سعودیہ میں بغیر شناخت کے مقدمات کے اندراج ۔سماعت پر پابندی

جدہ:سعودی عرب اعلی عدالتی کونسل نے سعودی عدالتوں کو ہدایت جاری کی ہے کہ وہ اقامہ قوانین کی خلاف ورزی کرنے والوں اور شناختی دستاویز نہ رکھنے والوں کی طرف سے کسی بھی مقدمہ کی سماعت نہ کریں۔سعودی نشریاتی ادارے کے مطابق اعلی عدالتی کونسل نے سعودی عدالتوں کو ہدایت جاری کی ہے کہ وہ قانونی دعوی پیش کرنے والے نظام کی دفعہ 41 کے بموجب دعوی دائر کرنے کی بنیادی شرط یہ ہے کہ مدعی کا شناختی نمبر اس میں درج ہو اور اپنی پہچان ثابت کرنا مدعی کے ذمہ ہے جبکہ دفعہ 34 کی دوسری شق میں واضح کیاگیا ہے کہ عملدرآمد کے طلب گار کا شناختی نمبر بھی درج کیا جانا ضروری ہے۔