شوال کا چاند دیکھنے کیلئے رویت ہلال کمیٹی کا اجلاس آج ہوگا

کراچی: شوال کا چاند دیکھنے کے لئے مرکزی رویت ہلال کمیٹی کا اجلاس آج کراچی میں ہوگا۔
پاکستان میں چاند دیکھنے کے لئے اجلاس آج بعد نماز عصر چیئرمین رویت ہلال کمیٹی مفتی منیب الرحمان کی زیر صدارت کراچی میٹ کمپلکس میں ہوگا۔ جس میں مرکزی اور زونل رویت ہلال کمیٹی کے اراکین سمیت محکمہ موسمیات کے نمائندے بھی شریک ہوں گے۔
اجلاس میں شوال کے چاند سے متعلق ملک بھر سے شہادتیں جمع کی جائیں گی، جس کے بعد چیئرمین مفتی منیب الرحمان چاند کی رویت سے متعلق اعلان کریں گے۔
محکمہ موسمیات کے مطابق شوال کے چاند کی پیدائش رات 12 بجے کے قریب ہوگئی ہے اور شام کے وقت اس کی عمر 19 گھنٹے 3 منٹ ہوجائی گی۔
محکمہ موسمیات نے بتایا ہے کہ موسم مطلع کبھی صاف اور کبھی جزوی ابر آلود رہنے کا امکان ہے، لہٰذا چاند نظر آنے کے امکانات نہیں ہیں۔