جنوبی افریقا میں چاقو بردارکے حملے میں 2 نمازی جاں بحق

جمعہ 15 جون 2018, 7:22 شام آخری اپ ڈیٹ جمعہ 15 جون 2018, 7:23 شام اہم خبریں, بام دنیا

جنوبی افریقا کے شہرکپ ٹاؤن کی مسجد میں چاقو بردار ملزم کے حملے میں 2 نمازی جاں بحق اور2 زخمی ہوگئے جبکہ پولیس نے 30 سالہ ملزم کو گولی مار کرہلاک کردیا ہے۔

بین الاقوامی میڈیا کے مطابق ایک ماہ قبل بھی جنوبی افریقا کے پورٹ شہرڈربن میں 3 مسلح افراد نے مسجد میں نمازیوں پرچاقو اورآتشی اسلحہ سے حملہ کیا تھا جس میں ایک شخص جاں بحق اور 2 شدید زخمی ہوئے تھے۔

دوسری جانب مسلم جوڈیشل کونسل نے ایک بیان جاری کیاہے جس میں کہا گیا ہے کہ حالیہ حملے میں جاں بحق 70 سالہ نمازی مسجد میں اعتکاف میں بیٹھے تھے کہ چاقو بردار حملہ آورمسجد میں داخل ہوا اور فجر کی نماز میں شمولیت اختیار کی۔

مسلم جوڈیشل کونسل کے مطابق جس وقت نمازی آرام کرنے لگے تو حملہ آورنے سب سے پہلےامام پرحملہ کیا جبکہ امام کو بچانے والے شخص کو چاقو کے وار سے قتل کردیا۔