بھارتی صدراورانکی اہلیہ اپنے ہی ملک میں ہراسگی کا شکار

بدھ 27 جون 2018, 8:46 شام آخری اپ ڈیٹ بدھ 27 جون 2018, 8:47 شام چشم حیرت

کیا آپ یقین کریں گے کہ کسی ملک کے صدراوران کی اہلیہ کو انکے اپنے ہی اپنے ہی ملک میں ہراساں کیا جائے ۔

جی ہاں ایسا بھارت میں ہوتا ہے جسے عالمی ادارے خواتین کے لئے پہلے ہی خطرناک ترین ملک قرار دے چکے ہیں لیکن یہاں کے صدراورخاتون اول بھی ہراسگی سے محفوظ نہیں اور یہ حقیقت خود بھارتی میڈیا سامنے لے آیا۔

قصہ کچھ یوں ہے کہ بھارتی صدررام ناتھ کووند اوران کی اہلیہ سویتا اس وقت اپنے ہی ملک میں ہراسگی کا شکار ہوگئے جب وہ مندر میں پوجا کرنے گئے تھے۔

بھارتی میڈیا کی رپورٹ کے مطابق صدررام ناتھ کووند اوران کی اہلیہ سویتا کو اڑیسہ کے مندر میں پوجا کے دوران ہراساں کیا گیا ۔

بھارتی میڈیا کے مطابق اگرچہ بھارتی صدراوران کی اہلیہ کے ساتھ پیش آنے والا ہراسگی کا یہ واقعہ 3 ماہ پرانا ہے لیکن اب منظرعام پرآیا ہے۔

واقعات کے مطابق بھارتی صدر رام ناتھ کوند اوران کی اہلیہ 19 مارچ کو اڑیسہ کے جگن ناتھ مندرمیں پوجا کیلئے گئے تھے، اس دوران مندر کو خالی کرالیا گیا لیکن کچھ سرکاری افسران اورمندر کے خدمت گزار وہاں موجود تھے جنہوں نے صدراوران کی اہلیہ کا راستہ روکا اوردھکم پیل بھی کی جس سے بھارتی صدر اور ان کی اہلیہ سخت ہراسگی کا شکار ہوئے۔