موبائل فونز کو گرکر ٹوٹنے پھوٹنے سے بچانے والا ایئر بیگ سسٹم

برلن:اس جدید دور میں ماہرین نت نئی چیزیںمتعارف کرنے میں سر گرداں ہیں ۔گزشتہ دنوں ایک ’’موبائل ایئر بیگ ‘‘ تیار کیا گیا ہے جو موبائل کو گرنے کی صورت میں ٹوٹ پھوٹ سے بچاتا ہے ۔

اس ایئربیگ کو جرمن کی آلین یونیورسٹی کی ایک طالبہ نے بنایا ہے ،اس میں موجود نظام کو ’’ایڈ کیس ‘‘ کا نام دیا گیا ہے۔

یہ نظام موشن سنسر کے تحت کام کرتا ہے ۔جب بھی آپ کا فون ہاتھ سے گرے گا تواس کا متحرک ہوجاتا ہے اور فون کے چاروں کناروں سے نوک دار ٹکڑے نکل آتے ہیں جو فون کو براہ ِراست زمین سے ٹکرانے نہیں دیتے۔

یہ نظام کار میں لگے ایئر بیگ کی طرح کام کرتا ہے ۔ماہرین کے مطابق اس میں لگے سنسر حرکت محسوس کرنے میں اتنے حساس ہیں کہ ہاتھ سے موبائل گرتے ہی وہ یہ جان لیتے ہیں کہ اب یہ زمین پر ہی گرے گا

ہاتھ سے گرتے ہی سسٹم سےفوری طور پر چاروں کونوں سے مڑے ہوئے پلاسٹک کے نوک دار ٹکڑے نکلتے ہیں ۔عام طور پر یہ کونے اسپرنگ کی مدد سے دبے رہتے ہیں اور گرنے سے پہلےباہر نکل آتے ہیں ۔