شکست سے چوہدری نثار کو شیر کی اہمیت کا اندازہ ہوگیا ہوگا،پرویز رشید

اسلام آباد:پاکستان مسلم لیگ کے رہنما پرویز رشید نےچوہدری نثار علی خان سےمتعلق بات کرتےہوئے کہاکہ چوہدری نثار کو دو حلقوں میں شکست فاش ہوئی ، امید ہے کہ شکست سے چودھری نثار کو شیر کی اہمیت کا اندازہ ہوگیا ہوگا۔

پرویز رشید کا کہناتھاکہ مسلم لیگ ن کے پولنگ ایجنٹس کو فارم 45نہیں دیا گیا اور فارم نہ دینا الیکشن کو مشکوک کرتاہے۔

انہوں نےکہاکہ ن لیگ دھرنوں کی سیاست پر یقین نہیں رکھتی،الیکشن کمیشن ن لیگ کی درخواستوں کو مسترد کر رہی ہے کیوں ہمارے امیدواروں کے ساتھ ایسا رویہ رکھا جا رہا ہے۔

رہنما مسلم لیگ ن کا مزید کہناتھاکہ جس کے پاس اکثریت ہو اس کو حکومت بنانی چاہیے ، 2013ءکے عام انتخابات میںپاکستان تحریک انصاف کو اکثریت نہ ہونے کے باوجود حکومت بنانے دی،پی ٹی آئی جونیاپاکستان کی بات کرتی تھی وہ دبائوسے آزادامیدواروں کو اپنے ساتھ ملارہی ہے۔