جاپانی بحریہ کے جہاز کا کراچی بندرگاہ کا دورہ

جاپانی بحریہ کے جہاز نےکراچی بندرگاہ کا دورہ کیاہےپاک بحریہ کے آفیسرز اور جاپانی سفارت خانے کے نمائندگان نے جہاز کا پرتپاک استقبال کیا۔
ترجمان پاک بحریہ کے مطابق جاپانی بحریہ کے جہاز کا یہ دورہ کثیرالملکی بحری مشق امن کے ابتدائی مرحلے کاحصہ ہے،جاپانی بحریہ کے آفیسرز نے پاک بحریہ کے آفیسرز سے ملاقاتیں کی اور جہاز کے عملے کے لیے مختلف تربیتی سرگرمیوں کا انعقاد کیاگیا۔
ترجمان پاک بحریہ نے بتایا کہ دورے کے آخر پر دونوں ممالک کی بحری جہازوں نے مشترکہ مشقوں میں حصہ لیں گے،جاپانی بحریہ کے جہازماضی میں منعقدہ کثیر الملکی بحری مشق امن میں بھی مسلسل شرکت کرتے رہے ہیں۔
ترجمان پاک بحریہ نے مزید کہا کہ دوروں سے دونوں ممالک کے درمیان برادرانہ تعلقات کو مزید فروغ ملے گا۔