پولیس لائٹس استعمال کرنے والے گاڑی مالکان کو وارننگ جاری

پولیس کی گاڑیوں کے علاوہ پولیس فلکرنگ لائٹس استعمال کرنے والے گاڑی مالکان کو وارننگ جاری کر دی گئی۔
ترجمان اسلام آباد پولیس کے مطابق آئی جی اسلام آباد نے ایسی لائٹس استعمال کرنے والی گاڑی کے خلاف سخت ایکشن لینے کی ہدایت کی ہے۔
ترجمان نے بتایا کہ اس کے علاوہ کالے شیشے والی گاڑیوں کے خلاف بھی ایکشن لیا جائے گا،ایسی گاڑیوں کے مالکان کو 48 گھنٹے کی وارننگ جاری کر دی گئی ہے۔
ترجمان اسلام آباد پولیس کے مطابق تمام ایسی گاڑیوں سے پولیس لائٹس اور کالے شیشے 48 گھنٹوں میں ہٹا دئے جائیں،اس کے بعد ایسی گاڑیوں کے مالکان کےخلاف سخت ایکشن لیا جائے گااورایسی گاڑیوں کو بھی تھانوں میں بند کر دیا جائے گا۔