Ummat News Latest Urdu News in Pakistan Politics Headlines Videos
ترجمان پنجاب حکومت شہباز گل نے کہا ہے کہ وزیراعظم نے واضع کر دیا ہے،حکومت لواحقین کے ساتھ کھڑی ہے،سانحہ ساہیوال کیلیے جو کچھ ہوا وہ کریں گے۔
ان کا کہنا تھا کہ مقتول خلیل کے خاندان کی انکوائری کے بعد ذیشان کے حوالے سے ہونیوالی تفتیش بھی میڈیا کے ساتھ شیئر کی جائیگی ، ذیشان کی والدہ ہماری بھی ماں ہیں۔
ترجمان پنجاب حکومت شہباز گل نے لاہور میں سانحہ ساہیوال کے مقتول خلیل کے بھائی جلیل اور متاثرہ خاندان کے وکیل کے ساتھ مشترکہ پریس کانفرنس کرتے ہوئے کہا کہ سانحہ ساہیوال کے متاثرین سے جے ٓآ ٹی کے سربراہ کی ملاقات کرادی ہے،جے آئی ٹی نے سانحہ کے حوالے سے سوشل میڈیا پر چلنے والی تمام ویڈیوز منگوالی ہیں۔
اس موقع پر متاثرین سانحہ ساہیوال کے وکیل بیرسٹر احتشام نے کہ واقعہ میں ملوث اور حکم دینے والوں کی شناخت کی جائے گی۔ پنجاب حکومت نے یقین دہانی کرائی ہے کہ لواحقین کی تسلی نہ ہوئی تو جوڈیشل کمیشن بنا دیا جائے گا۔
ان کا کہنا تھا کہ مقتول خلیل کے دونوں بھائی منگل کی سہ پہر جے آئی ٹی کے سربراہ سے دوبارہ ملاقات کریں گے۔ اگلی ملاقات میں متاثرہ خاندان اپنے بیانات قلمبند کروائے گا۔
انہوں نے کہا کہ مجھے اور متاثرین کو کوئی دھمکیاں نہیں ملیں،جو افسر سانحہ میں ملوث ہو گا اس کے خلاف کارروائی کی جائے گی اسے شامل تفتیش کیا جائے گا۔
