ایس او پیز پر عمل کرانے کے لیے اس کے علاوہ اور کوئی چارہ نہیں، وفاقی وزیر اطلاعات

شریف خاندان کا جیلوں میں آنا جانا لگا رہے گا۔فواد چوہدری

جمعہ 29 مارچ 2019, 9:20 شام آخری اپ ڈیٹ جمعہ 29 مارچ 2019, 9:25 شام |, اہم خبریں, قومی

وفاقی وزیر اطلاعات فواد چوہدری نے کہا ہے کہعدالت کےفیصلے میرٹ پرہورہے ہیں جو فیصلے ہوئے ہیں وہ میرٹ پر ہوئے ہیں۔

وفاقی وزیر اطلاعات نے نجی ٹی وی کے پروگرام میں گفتگو کرتے ہوئے کہا کہ ن لیگ کی عادت ہے خوشی ذرا پہلے ہی مناناشروع کردیتے ہیں،بعد میں خوشی کے لڈو گلے سے اترنا مشکل ہوجاتے ہیں۔

انہوں نے کہا کہ ہم نےان کے خلاف کوئی مقدمے نہیں بنائے تھے ، شریف خاندان کا جیلوں میں آنا جانا چلتا رہے گا ان کا یہ کوئی آخری کیس نہیں،جیل میں قید دیگر افراد کی مشکلات کی ہمیں زیادہ فکر ہے۔

فواد چوہدری کا کہنا ہے کہ وزیر اعظم نیب کو کہہ چکےہیں کہ میگا کیسز پر توجہ دینا چاہیے،قانون کا معاملہ قانون کا نظام خود طےکررہاہے۔

ان کا کہناتھا کہ پاکستان میں ہر فرد سمجھتا ہے کہ احتساب کا عمل آگے چلنا چاہیےاحتساب کا عمل ہمیشہ چلنا چاہیے۔

وزیراطلاعات فواد چوہدری نے کہا کہ عمران خان پورے ملک کے وزیراعظم ہیں ،حالیہ سروے میں عمران خان 57 فیصد ، باقی جماعتیں 18 ، 19 فیصد میں کھڑی ہیں۔

انہوں نے کہا کہ اگر پاکستان کی معیشت متاثر ہوگی تو ملک کے باقی ادارے بھی متاثر ہونگے،خوف کی فضامیں کاروبارنہیں ہوسکتا،اداروں کوخود احتسابی کاعمل شروع کرناچاہیے۔

انہوں نے کہا کہ ہمارے یہاں امیر اور غریب کے لیے علیحدہ علیحدہ نظام چل رہا ہےجن عوام کا پیسا لوٹا گیا ہے ان کو اس معاملے پر تکلیف ہوتی ہے۔

وفاقی وزیر اطلاعات فواد چودھری نے واضح کیا ہے کہ پٹرولیم مصنوعات میں اضافے کا فیصلہ عوامی مفاد کو سامنے رکھ کر کیا جائے گا۔

سماجی رابطوں کی ویب سائٹ ٹویٹر پر جاری اپنے بیان میں وفاقی وزیر اطلاعات ونشریات فواد چوہدری نے لکھا کہ آئل ایںڈ گیس ریگولیٹری اتھارٹی (اوگرا) نے ڈیزل کی قیمت 11 روپے اور مٹی کے تیل کی قیمت میں 6 روپے فی لٹر اضافے کی سفارش کی۔

فواد چوہدری نے لکھا کہ حکومت پہلے ہی پٹرولیم مصنوعات میں 70 ارب روپے ریلیف دے رہی ہے، اب بھی عوامی مفاد کو سامنے رکھ کر فیصلہ کیا جائے گا۔