آصف زرداری سے بلاول کومیری شاگردی میں لانے کا کہاہے،فضل الرحمان

اسلام آباد: سربراہ جمعیت علمائے اسلام (ف)مولانا فضل الرحمان نےکہاکہ میں نےآصف زرداری سے کہا کہ بلاول کو میری شاگردی میں لائیں۔

مولانا فضل الرحمان کا کہنا تھا کہ بلاول بھٹو کو تھوڑی سی سیاست کرنے دیں، وہ آئیڈیل باتیں کرتے ہیں،انہوں نے کہاکہ  مجھ سے سابق صدر آصف علی زرداری نے تو بہت کچھ سیکھاہے اور اب انکے صاحبزادے بلاول بھٹو کو سیکھنے کی ضرورت ہے ، انہوں نے کہاکہ میں نے سابق صدر آصف زرداری سے کہاکہ بلاول بھٹو کو میری شاگردی میں لائیں

سربراہ جے یو آئی ف مولانا فضل الرحمان کا کہناتھاکہ پاکستان کے اندر کسی قسم کی مسلح تنظیم کی موجودگی کا قائل نہیں ہوں اور ان تنظیموں کو ختم ہونا چاہیے،یہ تنظیمیں ہونی ہی نہیں چاہیے تھیں۔انہوں نے کہا کہ ان تنظیموں کو قومی دھارے میں لانا چاہیے، جب مین اسٹریمنگ ہوسکتی ہے تو ہونی چاہیے۔