شمالی وزیرستان میں دھماکے میں 2 سیکیورٹی اہلکار زخمی

شمالی وزیرستان میں بارودی مواد کے دھماکے میں 2 سیکیورٹی اہلکار زخمی ہوگئے۔

پاک فوج کے شعبہ تعلقات عامہ آئی ایس پی آر کے مطابق اہلکار معمول کے گشت پر تھے کہ اچانک بارودی مواد کا دھماکا ہوا، جس کے نتیجے میں  سیکیورٹی فورسز کے اہلکار فرحان اور اکرام خان زخمی ہوگئے۔

زخمیوں کو فوری طور پر مقامی اسپتال منتقل کردیا گیا جہاں انہیں طبی امداد دی گئی، دھماکے کے بعد سیکیورٹی فورسز نے سرچ آپریشن شروع کردیا۔