عوام سے میرا رشتہ کوئی نہیں توڑسکتا۔نوز شریف

سابق وزیراعظم نواز شریف نے کہا ہے کہ عوام سے میرا رشتہ نہ کل کوئی کوئی آمر توڑ سکا تھا اور نہ ہی آج کوئی ڈو ریاں ہلانے والے یہ رشتہ توڑ سکتے ہیں ۔

انہوں نے کہا کہ جیل جانے سے قبل عوام کے نام کی آڈیو پیغام میں نواز شریف نے کہا کہ میر ے وطن کے عزیز لوگوں ،مجھے آپ سے دور رکھنے کے لیے قید میں ڈال دیا گیا ہے ،یہ لوگ نہیں جانتے کہ یہ جیل اور قید میرا اور آپ کا رشتہ کبھی ختم نہیں کر سکتی۔

انہوں نے کہاکہ نہ کل کوئی آمر یہ رشتہ توڑ سکا اور نہ آج ڈوریں ہلانے والے یہ رشتہ توڑ سکیں گے ۔نواز شریف نے کہا کہ میں دیکھ رہا ہوں کہ پورے ملک کو ایک جیل میں بدل دیا گیا ہے ،ہمیں زنجیریں توڑنا ہونگی ،اس قید سے نکلنا ہو گا ۔

انہوں نے کہا کہ ہمیں ستر سال سے جاری اس کھیل سے نجات حاصل کرنا ہو گی جس نے قائد اعظم کے پاکستان کو تماشا بنا دیا ہے۔

ان کا عوام سے کہنا تھا کہ میدان میں آو ،گھر گھر ،گلی گلی ،کوچہ کوچہ ،گاﺅں گاﺅں میرا یہ پیغام پہنچاﺅ ۔انہوں نے مزید کہا کہ اٹھو اور ایک تحریک بن کر پھیل جاﺅ ،ایک عظیم فتح آپ کی منتظر ہے ۔