بھارتی جہاز بادلوں میں چھپ کر بھی آئے تو مار گرائیں گے۔ شاہ محمود قریشی

وزیر خارجہ شاہ محمود قریشی نے کہا ہے کہ بھارتی جہاز بادلوں میں چھپ کر بھی آئیں گے تو ہم مار گرائیں گے۔

ملتان میں میڈیا سے گفتگو اور قومی اسمبلی میں شاہ محمود قریشی نے بھارتی وزیراعظم نریندر مودی کی کلاﺅڈ سائنس پر کہا کہ اگر بھارتی جہاز بادلوں کی اوٹ لے کر بھی آئیں گے تو بھی پاکستانی ائیر فورس کے شاہین انہیں جانے نہیں دیںگے اور مار گرائیں گے۔

وزیر خارجہ نے کہا کہ سی پیک کی افادیت اور اہمیت سے انکار نہیں، اس اہم منصوبے پر تمام سیاسی جماعتیں متفق ہیں اس کے باوجود کچھ قوتوں کو یہ منصوبہ کھٹکتا ہے۔

شاہ محمود قریشی نے کہا کہ پاکستان کےمفادات پر کوئی سمجھوتہ نہیں ہوگا، سی پیک منصوبے کو ہر حال میں پایہ تکمیل پر پہنچائیں گے۔