نواز شریف کی زندگی خطرے میں ہے۔ذاتی معالج

سابق وزیر اعظم نواز شریف کے ذاتی معالج ڈاکٹرعدنان نے کہا ہے کہ سابق وزیراعظم کی زندگی خطرے میں ہے،گزشتہ رات طبیعت میں خرابی ایک انتباہ ہے۔

سماجی رابطے کی ویب سائٹ ٹوئٹر پر ایک بیان میں ڈاکٹرعدنان نے انکشاف کیا کہ صبح تقریبا4 بجے نواز شریف کی طبیعت خراب ہوگئی تھی۔

Met & examined former PM #NawazSharif in Jail.
Yesterday around 04 AM in the morning he felt unwell & breathless, requested guards to open cell door as he choked.
It took a while for him to settle after using sublingual nitrate spray.
His life is at risk. This is a warning.

— DR. ADNAN KHAN 🩺 | #MendingHearts🫀 (@Dr_Khan) June 4, 2019

انہوں نے مزید کہا کہ سابق وزیراعظم کو سانس لینے میں تکلیف کا سامنا تھا،انہیں اپنا دم گھٹنا ہوا محسوس ہونے لگا،نواز شریف نے گارڈز سے سیل کا دروازہ کھولنے کی درخواست کی ۔

ڈاکٹر عدنان نے کہا کہ میں نے نواز شریف سے جیل میں ملاقات کی اور ان کا طبی معائنہ کیا اور انہیں اسپرے دیا جس کے بعد سے ان کی طبیعت میں بہتری ہے۔

نواز شریف کی صاحبزادی مریم نواز نے ڈاکٹر عدنان کے ٹویٹ کے جواب میں کہا ہے حکومت انہیں اپنے والد سے ملنے کی اجازت نہیں دے رہی ہے۔

جعلی و سیاسی مقدموں میں قید نواز شریف کی صحت کو خطرہ لاحق ہے ایسے میں جو بیٹی کو ملنے کی اجازت نا دیں ان سے بڑا ظالم کون ہو گا؟ ظلم، نفرت اور انتقام کی غلیظ سیاست کرنے والوں کو نہیں بھولنا چاہیے کہ اللہ دنوں کو الٹتا پھیرتا رہتا ھے اور ہمیشہ کی بادشاہی اسی کی ھے۔۔ https://t.co/TAkku38GKy

— Maryam Nawaz Sharif (@MaryamNSharif) June 4, 2019

مریم نواز کا کہنا تھا کہ جعلی و سیاسی مقدموں میں قید نواز شریف کی صحت کو خطرہ لاحق ہے ایسے میں جو بیٹی کو ملنے کی اجازت نہ دیں ان سے بڑا ظالم کون ہو گا۔انہوں نے کہا کہ ظلم، نفرت اور انتقام کی غلیظ سیاست کرنے والوں کو نہیں بھولنا چاہیے کہ اللہ دنوں کو الٹتا پھیرتا رہتا ہے اور ہمیشہ کی بادشاہی اسی کی ہے۔