چینل 24،اب تک اور کیپٹل ٹی وی کو بند کر دیا گیا

ملک بھر میں کیپٹل ٹی وی ،اب تک اور24نیوز کو آف ائیر کیا جانے لگا ہے ۔کیپٹل ٹی وی کے مطابق پیمرا نے بغیر وجہ بتائے اور نوٹس کیے کیپیٹل ٹی وی کی نشریات غیر معینہ مدت تک بند کرا دیں۔

ٹوئٹر پر سینئر صحافی نجم سیٹھی نے بتا یا کہ پیمرا کے حکم پرکیبل آپریٹرزنے 24نیوز کی نشریات ملک بھر میں بند کردی ہیں اوراسی طرح اب تک اور کیپٹل ٹی وی کی نشریات بھی بند کی گئی ہیں ۔

Capital TV taken off air, PEMRA not responding!

We have been informed that Capital TV’s transmission has already been taken off air in many cities across Pakistan #CapitalTV #PEMRA #AbtakNews #24News @Abtak247 @24NewsHD @ImranKhanPTI @PTIofficial @reportpemra pic.twitter.com/povgbgTH30

— Capital TV (@CTV_Digital) July 8, 2019

انہوں نے کہا کہ چینلوں کی بندش کی وجہ مریم نواز کی پریس کانفرنس اور جلسے کی کوریج ہے ۔

Reportedly upon orders from PEMRA, our Channel 24 is being taken off air across the country by cable operators. So too Abtak and Capital TV. Reason: Coverage of Maryam Nawaz presser and jalsa last three days.

— Najam Sethi (@najamsethi) July 8, 2019

دوسری جانب ٹوئٹر پر اب تک نیوز نے وزیراعظم عمران خان سے درخواست کرتے ہوئے کہا ہے کہ پیمرا نے پاکستان بھر کی تمام بڑے کیبلز سے اب تک نیوز کو آف ائیر کرا دیا ہے ،ہم چاہتے ہیں کہ آپ اس معاملے کو حل کر یں ۔

Honourable Prime Minister @ImranKhanPTI PEMRA has offaired ABBTAKK NEWS NETWORK on All major Cables in Pakistan. We need you to intervene and resolve this attack on Press freedom. pic.twitter.com/gIpa0baJ2p

— AbbTakk (@AbbTakk) July 8, 2019

صحافتی تنظیموں کی جانب سے ٹی وی چینلز کی بندش کیخلاف ملک گیراحتجاج  کا اعلان کیا گیا ہے،میڈیا کی آزادی پر کوئی قدغن قبول نہیں کی جائے گی۔

صحافتی تنظیم ایمرا نے پیمرا کی جانب سے کیبل آپریٹرز سے زبردستی چینلز کی بندش کی مذمت کرتے ہوئے کہا کہ نئے پاکستان میں حق اور سچ کی آواز دبائی جانے لگی ،آزاد صحافت کا گلہ گھونٹ دیا گیا ہے ۔صحافتی تنظیم کا کہنا ہے کہ جمہوریت آزادی صحافت کے بغیر نا مکمل ہے ۔

دوسری جانب پیپلز پارٹی کے چیئرمین بلاول بھٹو زرداری ، مسلم لیگ ن کی ترجمان مریم اورنگ زیب ،جمعیت علمائے اسلام (ف) کے سربراہ مولانا فضل الرحمن کا کہنا ہے کہ نئے پاکستان میں میڈیا بھی آزاد نہیں ۔

بعض نجی ٹی وی چینل کی بندش پر ردعمل کا اظہار کرتے ہوئے انہوں نے کہا کہ  نئے پاکستان میں حق اور سچ  کی آواز سننے پر پابندی  لگا دی گئی ہے

مریم اورنگ زیب نے کہ جب وزیراعظم اور حکومت سلیکٹڈ ہوتواسی طرح کے اقدام کیے جاتے ہیں۔انہوں نے کہا کہ جب عمران خان نے اسلام آباد میں دھرنا دیاتھا تو بتایا جائے کتنے چینلز کو بند کیا گیا تھا۔

جے یو آئی کے سربراہ مولانا فضل الرحمن کا کہنا تھا کہ سلیکٹڈ حکومت میں کوئی ادارہ خود مختار نہیں، نئے پاکستان میں میڈیا بھی آزاد نہیں ہے۔

مولانا فضل الرحمن کا مزید کہنا تھا کہ سلیکٹڈ حکومت چاہتی ہے کہ ٹی وی چینلز حقائق سے عوام کو آگاہ نہ کریں لیکن ہم میڈیا پر پابندی کسی صورت برداشت نہیں کریں گے، سلیکٹڈ وزیراعظم چینلز کی بندش کا فیصلہ جلد از جلد واپس لیں۔