کراچی سمیت سندھ بھر میں سی این جی اسٹیشن کھل گئے

کراچی سمیت سندھ بھر میں آئندہ 12 گھنٹے کیلیے سی این جی اسٹیشن کھول دیے گئے ہیں۔

نجی ٹی وی کے مطابق ایس ایس جی سی کے سسٹم میں معمولی بہتری کے بعد آج صبح 7 بجے سے کراچی سمیت سندھ بھرکے سی این جی اسٹیشن کھول دیے گئے ہیں شام 7بجے تک سی این جی اسٹیشن کھلے رہیں گے،6 دن کی بندش کے بعد سی این جی اسٹیشن کھلنے کی وجہ سے سی این جی اسٹیشنزپرگاڑیوں کی لمبی قطاریں لگی ہوئی ہیں۔

ترجمان ایس ایس جی سی نے بتایا کہ سندھ بھرمیں تمام سی این جی اسٹیشنزکو پیر، بدھ اورجمعہ کی صبح 8 بجے سے آئندہ 24 گھنٹے کے لیے گیس سپلائی بند رہےگی۔

دوسری جانب صارفین کا کہنا ہے کہ معمولی سردی کے بعد ہی گیس پریشرانتہائی کم ہوجاتا ہے، حکومت اس کے سدباب کیلیے مکمل منصوبہ بندی کیساتھ اقدامات اُٹھائے۔