تیز رفتارکار ٹریلر سے ٹکرا گئی،3دوست جاں بحق

شہر قائد کے علاقے شیر شاہ چوک پر ایک تیزرفتارکار بے قابو ہو کرکھڑے ٹریلر سے ٹکرا گئی، حادثے کے نتیجے میں 3دوست جاں بحق جبکہ 2 شدید زخمی ہو گئے۔

کراچی کے علاقے شیر شاہ میں چوک پر کھڑے ایک ٹریلرکے ساتھ بے قابو کار ٹکرا گئی جس سے تین افراد جاں بحق ہو گئے، دو شدید زخمی ہو گئے جنہیں سول ہسپتال منتقل کیا گیا۔

ریسکیو ذرائع کا کہنا ہے کہ ٹریفک حادثے میں جاں بحق اور زخمی ہونے والے افراد آپس میں دوست تھے، تمام افراد شیر شاہ اور اردو بازار کے رہایشی تھے، جاں بحق ہونے والوں میں فاروق، افتخار اور کامران شامل ہیں جب کہ جمیل اور سہیل زخمی ہوئے۔

افتخارکے اہل خانہ کا کہنا ہے کہ افتخار نے 2 روز قبل گاڑی خریدی تھی،اور وہ دوستوں کو مٹھائی کھلانے لے جا رہا تھا، حادثے کے وقت افتخارگاڑی چلا رہا تھا۔