وزیر خارجہ شاہ محمود سعودی دارالحکومت ریاض پہنچ گئے

وزیراعظم عمران خان کی خصوصی ہدایت پر دورے کے دوران وزیر خارجہ شاہ محمود قریشی وفد کے ہمراہ اپنے سعودی ہم منصب سے ملاقات کریں گے۔

سفیرِ پاکستان راجہ علی اعجاز، سعودی وزارتِ خارجہ کے ڈی جی پروٹوکول عبداللہ ال راشد سمیت سفارتخانے کے اعلیٰ حکام کی جانب سے رائل ائیرپورٹ پر ان کا پرتپاک استقبال کیا گیا۔

شاہ محمود قریشی کے دورے کا بنیادی مقصد خطے میں ہونے والی کشیدگی کو کم کرنا ہے۔ سعودی عرب کی اعلیٰ قیادت سے ملاقات میں امریکا، ایران کشیدگی سمیت علاقائی امن واستحکام کے موضوعات پر بھی تبادلہ خیال کیا جائے گا۔

س سے قبل وزیر خارجہ گزشتہ روز تہران پہنچے تھے جہاں ان کی آج ایرانی صدر حسن روحانی اور وزیر خارجہ جواد ظریف کے ساتھ اہم ملاقاتیں ہوئیں۔