’تبدیلی جائے جہنم میں‘۔حریم شاہ نے پی ٹی آئی چھوڑ دی

ٹک ٹاک اسٹار حریم شاہ نے پاکستان تحریک انصاف (پی ٹی آئی) سے علیحدگی اختیارکرکے مسلم لیگ ن کی حمایت کا اعلان کردیا۔

سماجی رابطوں کی ویب سائٹ ٹوئٹر پر شیئر کیے گئے ایک پیغام میں انہوں نے لکھا کہ ’میں حریم شاہ بطور کارکن پاکستان تحریک انصاف سے علیحدگی اور مسلم لیگ ن کی حمایت کا اعلان کرتی ہوں!‘

انہوں نے یہ بھی لکھا کہ ’تبدیلی جائے جہنم میں‘۔

https://twitter.com/Hareemshah33/status/1219939617228623872

سیاست دانوں کے ساتھ تصاویر بنوا کر شہرت حاصل کرنے والی حریم شاہ نے اب سیاست سے وابستگی کو بھی اپنی ٹویٹس کا موضوع بنایا اوربتایا ہے کہ وہ اب پی ٹی آئی کا حصہ نہیں رہیں بلکہ اب ان کی وابستگی مسلم لیگ ن سے ہو گئی ہے۔

خیال رہے کہ متعدد پی ٹی آئی رہنماؤں کی وڈیوزاورتصاویر حریم شاہ کے ساتھ وائرل ہوتی رہی ہیں جن کی وجہ سے سوشل میڈیا پر بھونچال بپا رہا ہے۔