نیب نے ملک مفلوج،معیشت تباہ کردی۔شاہد خاقان عباسی

سابق وزیراعظم اورمسلم لیگ (ن) کے سینیئر نائب صدر شاہد خاقان عباسی کا کہنا ہے کہ نیب نے ملک کومفلوج اور معیشت تباہ کردی ہے۔

اسلام آباد کی احتساب عدالت کے باہر میڈیا سے  گفتگو کرتے ہوئے شاہد خاقان عباسی نے کہا کہ نیب نے ملک کومفلوج اور معیشت تباہ کردی، نیب سیاسی انتقام کیلیے استعمال ہورہا ہے۔

شاہد خاقان عباسی نے کہا کہ میرے دوستوں اور رشتہ داروں پر نیب کی جانب سے دباؤ ڈالا جارہا ہے کہ ان کے اثاثے دراصل میرے ہیں اور یہ نیب کے پرانے تماشے ہیں، بس ایک ہی طریقہ ہے کہ لوگوں کو بدنام کیا جائے، 6 ماہ گزر گئے لیکن نیب مجھ پر الزامات ثابت نہیں کرسکا۔ نیب کے نئے ترمیمی آرڈیننس کے بعد مجھ پر اختیارات کے غلط استعمال کا الزام ختم ہوچکا ہے۔

شاہد خاقان عباسی نے کہا کہ نوازشریف کی واپسی کے لیے حکومتی خط کے سوال پر شاہد خاقان عباسی کا کہنا تھا کہ حکومت کی جانب سے برطانیہ کو لکھے گئے خط کا کوئی سفارتی جواز نہیں ہے، حکومت کو ہزیمت کا سامنا کرنا پڑے گا۔

شاہد خاقان عباسی نے کہا کہ مسلم لیگ (ن) کی اس سے بڑی کامیابی اور کیا ہوگی کہ حکومت، بلاول بھٹو زرداری اور میڈیا سب (ن) لیگ کی بات کرتے ہیں۔ شہباز شریف جلد واپس آئیں گے۔