زائد المیعاد شناختی کارڈ کے حامل بھی احساس پروگرام میں شرکت کے اہل قرار

تفصیلات کے مطابق میڈیا کو بریفنگ میں ڈاکٹر ثانیہ نشتر نے بتایا کہ احساس پروگرام کے تحت حق داروں کی نشاندہی کیلیے ایس ایم ایس سے شروعات ہوتی ہے جس کے ذریعے صرف شناختی کارڈ نمبر بھیجنا ہوتا ہے اور وہ ہمارے سسٹم میں چلا جاتا ہے جو بعد ازاں 15 مختلف مرحلوں سے گزرتا ہے اور ہر مرحلے پر ایک ایس ایم ایس جنریٹ ہوتا ہے۔

انہوں نے بتایا کہ اگر کوئی سرکاری ملازم ہے تو اسے پروگرام کیلیے اہل نہ ہونے کا پیغام بھیج دیا جاتا ہے، اس پروگرام کے تحت ایک خاندان کا ایک فرد ہی شرکت کر سکتا ہے اوراگرایک شخص نے اپلائی کر رکھا ہے تو ان کی شریک حیات یا بچے بھی اپلائی کریں گے تو انہیں اس حوالے سے ایس ایم ایس کے ذریعے مطلع کر دیا جائے گا۔