رواں ماہ کے آخرتک صورتحال کنٹرول سے باہر ہو جائےگی۔وزیراعظم

زیراعظم نے کہا ہے کورونا کی وجہ سے جو صورتحال پیدا ہوئی اس کی مثال نہیں ملتی، کرونا کیسز بڑھ رہے ہیں، مختلف ممالک میں لاک ڈاؤن کو اب ختم کیا جا رہا ہے، کرونا کیخلاف صوبائی اور وفاقی حکومت رابطے میں ہے۔

انہوں نے کہا کہ لاک ڈاؤن کے باعث یومیہ اجرت والوں پر فرق پڑے گا، بلوچستان کے لوگوں کو لاک ڈاؤن کی وجہ سے بہت نقصان ہوگا،ہرصوبے کو صورتحال مدنظر رکھتے ہوئے اقدامات کرنے ہیں۔

قبل ازیں وزیراعظم عمران خان نے وزیراعلی بلوچستان جام کمال کے ہمراہ بولان ہسپتال کے قرنطینہ سینٹر کا دورہ کیا جہاں چیف سیکریٹری نے آئسولیشن وارڈ میں مہیا سہولیات سمیت صوبے میں کئے گئے دیگر حفاظتی اقدامات سے متعلق بریفنگ دی۔ اس موقع پر ڈپٹی اسپیکر قاسم سوری اور یار محمد رند بھی وزیراعظم کے ہمراہ رہے۔