کورونا ریلیف فنڈ میں 4 ارب روپے سے زائد عطیات جمع ہو گئے

وزیراعظم کے کورونا ریلیف فنڈ میں 4 ارب روپے سے زائد عطیات جمع ہو گئے۔

تحریک انصاف کے سینیٹر فیصل جاوید نے سماجی رابطے کی ویب سائٹ ٹوئٹرپراپنے ٹوئٹ میں کہاہے کہ وزیراعظم کورونا ریلیف فنڈ میں عطیات کی آمدکی سلسلہ جاری ہے،سینیٹر فیصل جاوید نے تازہ ترین اعدادوشمار جاری کرتے ہوئے کہاکہ کورونا ریلیف فنڈ 4 ارب کی سطح سے بڑھ چکا ہے۔

انہوں نے اپنے پیغام میں کہاہے کہ معاونین کی سخاوت اورجذبہ ایثار قابل تحسین ہے ،بلاشبہ کورونا ریلیف فنڈ ایک عظیم مقصد ہے، حکومت عطیہ کیے جانے والے ہر روپے کے ساتھ 4 روپے مزید شامل کرے گی۔