مسلم لیگ ن کے جلسے کیلئے بنایا گیا اسٹیج بیٹھ گیا

لاہور : ٹیمپل روڈ ریگل چوک پر مسلم لیگ ن کے جلسے کیلئے بنایا گیا اسٹیج بیٹھ گیا۔
ن لیگ کے رہنما خواجہ سعد رفیق کے خطاب سے پہلے ٹرک پربنایا گیا اسٹیج بیٹھ گیا۔
جلسے کے مقررین کیلئے ٹرک پراسٹیج بنایا گیا تھا۔ بعد ازاں شہباز شریف کی گرفتاری کے خلاف لاہورکے ٹیمپل روڈپر جلسے سے خطاب میں سعد رفیق و دیگر نے خطاب کیا۔
سعد رفیق نے خطاب میں کہا کہ پی ٹی آئی حکومت نے سوا دو سال میں معیشت کا بیڑا غرق کردیا، ہمارے بڑوں نے جمہوریت کے لیے زندگیاں قربان کیں اور اب ہمیں غدار کہا جارہا ہے۔
رانا ثنااللہ نے کہا کہ شہبازشریف پربے بنیاد الزام لگائے جارہے ہیں یہ دس سال میں بھی کوئی الزام ثابت نہیں کرسکتے۔