موٹروے پردھند ۔15 سے زائد گاڑیاں ٹکرا گئیں

شیخوپورہ موٹروے پر فیض پورانٹر چینج کے قریب دھند کے باعث 15 سے زائد گاڑیاں ٹکرا گئیں، حادثے میں متعدد افراد زخمی ہوگئے۔

جمعہ کی صبح موٹروے پر شدید دھند باعث 15 سے زائد گاڑیاں ٹکرا گئیں، حادثہ فیض پورانٹر چینج کے قریب پیش آیا، حادثہ کا شکار ہونے والی گاڑیوں میں پولیس وین اور مسافر کوچز بھی شامل ہیں۔ حادثہ میں متعدد افراد زخمی بھی ہوئے ہیں جنہیں ہسپتال منتقل کر دیا گیا ہے۔