آسٹریلیا میں شدید بارشیں۔ موجودہ صدی کے بدترین سیلاب کا سامنا

آسٹریلیا کی مشرقی ساحلی پٹی  میں شدید بارشوں کے باعث  موجودہ صدی کے بدترین سیلاب کا سامنا ہے۔

آسٹریلیا کے مشرقی حصے میں ہونے والی بارشوں نے نیو ساؤتھ ویلز میں تباہی مچا دی ہے،کئی علاقے ڈوبنے سے اہم شاہرائیں بند ہو گئی ہیں جبکہ متعدد گھروں کو بھی نقصان پہنچا ہے۔

حکام کے مطابق نیو ساؤتھ ویلز میں اندازے سے کہیں زیادہ بدترین صورتحال ہے، مسلسل ہونے والی بارشوں سے ڈیمز میں پانی کی سطح آخری حد تک پہنچ گئی ہےاور13 علاقوں میں ابھی بھی سیلاب کی وارننگ موجود ہیں۔

مسلسل ہونے والی بارشوں سے دریاؤں اور ڈیمز میں پانی کی سطح بلند ہو گئی ہے اور سڈنی کے نشیبی علاقوں میں ہزاروں افراد کو راتوں رات انخلا کے احکامات جاری کر دیے گئے ہیں۔موسمی صورتحال کے باعث نیو ساؤتھ ویلز میں کورونا ویکسین کی ڈلیوری کا عمل بھی متاثر ہوا ہے۔