مسلم لیگ ن بدترین جبر کے باوجود چٹان کی طرح متحد اور سر بلند کھڑی ہے,رانا محمد ارشد

مسلم اسٹوڈنٹس فیڈریشن ن پاکستان کے مرکزی صدر رانا محمد ارشد کاایم ایس ایف ن سندھ کے صدر یاسر عدیل شیخ سے رابطہ ۔ حکمران انتقام کی آگ میں اندھے ہو چکے ہیں. عدالت عالیہ کے فیصلے کے بعد میاں شہباز شریف کی رہائی میں رکاوٹ بننا حکومتی صفوں کو بہت مہنگا پڑسکتا ہے. حکمران جان چکے ہیں کہ پاکستان مسلم لیگ ن کے مرکزی صدر میاں شہباز شریف کی گرفتاری کے باوجود عوام نے ہر ضمنی انتخاب میں انہیں سرخرو کیا ہے اس لئے وہ نیب کی طرح اعلی عدالتوں کو بھی مسلم لیگ(ن) کی قیادت کے خلاف استعمال کرنے کے منصوبے بنا رہے ہیں ۔

اس حوالے سے  رانا محمد ارشد نے مسلم اسٹوڈنٹس فیڈریشن (ن) سندھ کے صدر یاسر عدیل شیخ کے ساتھ گفتگو میں انہیں مریم نواز شریف کے دوررہ کراچی کے لئے بھرپور تیاریوں کے لئے ہدایات دیتے ہوئے کہا کہ محترمہ مریم نواز شریف کے دورہ کراچی پر مسلم اسٹوڈنٹس فیڈریشن(ن) سندھ کی تمام ڈویژنل، ضلعی اور مقامی قیادتوں کی شرکت یقینی بنائی جائے.

کراچی کے نوجوانوں کو محتریم مریم نواز شریف کے استقبال سے حکومت کے ایجنٹوں کو یہ پیغام بھی پہنچانا ہے کہ کراچی کے حلقےNA-249 سے پاکستان مسلم لیگ(ن) کے امیدوار مفتاح اسماعیل کی کامیابی نوشتہ دیوار ہے.

محترمہ مریم نواز شریف کا دورہ کراچی مفتاح اسماعیل کی کامیابی پر مہر تصدیق ثابت ہوگا. مسلم اسٹوڈنٹس فیڈریشن(ن) سندھ کے صدر یاسر عدیل شیخ نے مرکزی صدر رانا محمد ارشد کو محترمہ مریم نواز شریف کے دورہ کراچی کے بارے میں ایم ایس ایف(ن) کے استقبالی پروگرام کی تفصیل سے آگاہ کرتے ہوئے کہا کہ کراچی کے تمام اضلاع سے مسلم اسٹوڈنٹس فیڈریشن کے نوجوان ساتھی اپنی قائد اور پاکستان کی آئندہ وزیر اعظم محترمہ مریم نواز شریف کے استقبال اور ان کی حفاظت کے لئے ان کے ساتھ موجود ہونگے.

یاسر عدیل شیخ نے کہا کہ کراچی کے ضمنی انتخاب میں مسلم لیگ(ن) کی کامیابی یقینی ہے بس اب محترمہ مریم نواز شریف کی تشریف آوری پر مفتاح اسماعیل صاحب کی کامیابی کی رسم ادا کرنا باقی ہے. کراچی کا ضلع غربی ماضی کی طرح اس مرتبہ بھی میاں محمد نواز شریف کے نامزد امیدوار کو کامیاب کرواکے سندھ کی سیاست میں نئی روایات قائم کرے گا. یاسر عدیل شیخ نے کہا کہ سندھ میں پاکستان مسلم لیگ(ن) بالخصوص مسلم اسٹوڈنٹس فیڈریشن(ن) کے کارکنوں اور ذمہ داران میں بھی میاں شہباز شریف کی ضمانت کے باوجود رہائی میں رکاوٹوں پر حکومت کے خلاف سخت غم و غصہ پایا جاتا ہے.