کابل: افغانستان کے سفیر کی بیٹی پر مبینہ تشدد کے واقعے پرکابل انتظامیہ نے اسلام آباد میں موجود اپنے سفیر اور سینئر سفارتی عملے کو واپس بلانے کا اعلان کردیا۔ بیان میں مزید کہا گیا ہے کہ افغانستان کا وفد جلد ہی پاکستان کا دورہ کرے گا جس میں اس واقعے اوراس کے دیگر عوامل پر تبادلہ خیال کیا جائے گا۔
افغانستان کے نائب صدر امراللہ صالح نے ٹوئٹر پراپنے پیغام میں بتایا کہ صدر اشرف غنی نے افغان وزارت خارجہ کو ہدایت کی ہے کہ وہ اسلام آباد سے سفیر اور سینئر سفارتی عملے کو واپس بلالے۔
انہوں نے کہا کہ افغان سفیر کی بیٹی کا اغوا اور اس پر بیہمانہ تشدد نے ہماری قوم کی نفسیات کو زخمی کیا ہے، یہ ہماری قومی نفسیات پر تشدد ہوا ہے۔
President @ashrafghani instructed @mfa_afghanistan to call back our ambassador from Islamabad along with all senior diplomats. The abduction of Afgh ambassador's daughter & her subsequent torture has wounded the psyche of our nation. Our national psyche has been tortured.
— Amrullah Saleh (@AmrullahSaleh2) July 18, 2021
خیال رہے کہ 16 جولائی کو افغانستان کے سفیر کی بیٹی کو اسلام آباد میں اس وقت مبینہ تشدد کا نشانہ بنایا گیا تھا جب وہ اپنے بھائی کیلیے تحفہ خریدنے گئی تھی۔ وزیر داخلہ شیخ رشید احمد نے واقعے کی تحقیقات میں پیش رفت کا دعویٰ کرتے ہوئے کہا ہے کہ 72 گھنٹوں میں ملزمان گرفتارکرلیے جائیں گے۔