پیٹرول کےبعد سیمنٹ کی بوری پربھی25روپےکااضافہ

پیٹرول اور ایل پی جی کے بعد سیمنٹ کی بوری کی قیمت میں بھی اضافہ کردیا گیا۔ مختلف برانڈ کے سیمنٹ کی بوری کی قیمت 655 سے 670  روپے تک ہوگئی ہے۔

اس حوالے سے جنرل سیکرٹری سیمنٹ ڈیلرز ایسوسی ایشن آصف سعید کا کہنا ہے کہ سیمنٹ فیکٹری مالکان نے2 روزمیں سیمنٹ کے ایک بیگ کی قیمت میں 25 روپےاضافہ کردیا ہے۔

 جنرل سیکرٹری سیمنٹ ڈیلرز ایسوسی ایشن آصف سعید کا کہنا تھاکہ کسی نئے ٹیکس کے نہ لگنے کے باوجود سیمنٹ کی قیمتوں میں اضافہ زیادتی ہے اور یہ اضافہ سیمنٹ فیکٹری مالکان نے مل کرکیا ہے۔