6 صوبوں کے دارالحکومتوں پر طالبان نے قبضہ کر لیا

افغانستان میں طالبان کی پیش قدمی جاری ہے، جہاں 6 صوبوں کے دارالحکومتوں پر طالبان کا قبضہ ہو چکا ہے۔

افغان سیکیورٹی حکام کے مطابق ہرات کے مضافات میں شدید جھڑپیں جاری ہیں، ہرات میں 11 دنوں کی جھڑپوں کے دوران 36 افراد ہلاک اور 220 زخمی ہوئے ہیں۔

ہرات اسپتال کے سربراہ کے مطابق ہرات میں ہوئے حملوں میں زخمی ہونے والوں میں نصف تعداد شہریوں کی ہے۔

یونیسیف کا کہنا ہے کہ قندھار میں 72 گھنٹوں کی جھڑپوں کے دوران 20 بچے جاں بحق اور 130 زخمی ہوئے ہیں۔

امریکی محکمۂ خارجہ کے مطابق امریکی نمائندۂ خصوصی زلمے خلیل زاد دوحہ روانہ ہو گئے، جہاں وہ آج مذاکرات میں طالبان پر دباؤ ڈالیں گے کہ وہ حملے روکے۔