بھارتی طیارہ پُل کے نیچے پھنس گیا۔ویڈیو وائرل

نئی دہلی:بھارت کے دارالحکومت میں ایک طیارے کی منتقلی کی کارروائی کے دوران میں ایک انوکھا واقعہ دیکھنے میں آیا۔ یہ واقعہ گذشتہ ہفتے اس وقت پیش آیا جب ایک طیارے کو زمینی طور پر نئی دہلی کے ہوائی اڈے سے ایک دوسری جگہ لے جایا جا رہا تھا۔

بھارتی ویب سائٹ کے مطابق مذکورہ طیارے کے مناظر سوشل میڈیا پر بھی وائرل ہو گئے۔ ان وڈیو کلپوں اور تصاویر میں طیارے کو نئی دہلی میں پیدل چلنے والوں کے ایک پُل کے نیچے پھنسا ہوا دیکھا جا سکتا ہے۔ طیارے کی بلندی کے سبب وہ مذکورہ پُل کے نیچے سے نہیں گزر سکا۔

وڈیو: بھارتی طیارہ پیدل چلنے والوں کے پُل کے نیچے پھنس گیاhttps://t.co/O43qPBJ9Ze pic.twitter.com/ySH7KPSgrs

— العربیہ اردو (@AlArabiya_Ur) October 6, 2021

دوسری جانب طیارے کے مالک کا کہنا ہے کہ سوشل میڈیا پر وسیع پیمانے پر اس واقعے کی وڈیو پھیل جانا حیران کن بات ہے۔ مذکورہ شخص نے بتایا کہ وہ پرانے طیاروں کو پُر تعیش ریستورانوں میں تبدیل کر دیتے ہیں۔