صدر میں ایک اور مارکیٹ میں خوفناک آگ بھڑک اٹھی

کراچی کے علاقے صدرکی مارکیٹ میں خوفناک آتشزدگی کے بعد بحالی کا کام ابھی شروع نہیں ہو سکا تھا کہ ایک اور قریبی مارکیٹ میں خوفناک آگ بھڑک اٹھی ۔

فائر بریگیڈ کے مطابق صدر میں زینب مارکیٹ کے قریب وکٹوریا سینٹرکی پانچویں منزل پرآگ لگ گئی ہے جسے بجھانے کے لیے مرکزی فائر بریگیڈ کے علاوہ صدر، منظور کالونی اور دیگر سینٹر سے گاڑیاں اور فائر فائٹر روانہ کر دیے گئے ۔

دوسری جانب ٹریفک ہیلپ لائن 1915 کے مطابق صدر جانے والے عبداللّٰہ ہارون روڈ کو فوارہ چوک سے ٹریفک کے لیے بند کر دیا گیا ہے۔

واضح رہے کہ وکٹوریا سینٹر کے قریبی کوآپریٹو مارکیٹ میں تین دن قبل خوفناک آتشزدگی سے پانچ سو سے زائد دکانیں جل کر تباہ ہو چکی ہیں۔