وزیراعظم آج نوجوانوں سے خطاب کریں گے

اسلام آباد:وزیراعظم نے آج نوجوانوں سے خطاب کرنے کا فیصلہ کرلیا۔ عمران خان نے کامیاب جوان سے مستفید ہونے والے نوجوانوں کو بلالیا۔

وزیراعظم آج میگا کنونشن میں نوجوانوں سے خطاب کریں گے۔ عمران خان نوجوانوں کیلیے 4 نئے پروگرامزکا آغاز کریں گے۔ 137 یونیورسٹیز میں 25 لاکھ طلبا کیلیے کامیاب جوان مرکز کا آغاز کریں گے۔ طلبا کو کیریرکونسلنگ، اسکالرشپ، جاب پلیسمنٹ، بزنس سینٹر کی سہولیات دی جائیں گی۔

عثمان ڈار کا کہنا تھا کہ وزیراعظم آج کھیلوں کے فروغ کیلیے ملک کا سب سے بڑا ٹیلنٹ ہنٹ پروگرام لانچ کریں گے، 12 مخلتف کھیلوں میں نیا ٹیلنٹ تلاش کرکے قومی سطح پر لایا جائیگا۔