گال ٹیسٹ،سری لنکا کے 4 کھلاڑی آؤٹ، یاسر کے دو شکار

گال : گال میں کھیلے جانے والے پہلے ٹیسٹ میچ میں سری لنکا کی چوتھی وکٹ 68 رنز کے مجموعی اسکور پر گرگئی۔گال کرکٹ اسٹیڈیم میں کھیلے جارہے پہلے ٹیسٹ میچ میں سری لنکا کی پاکستان کے خلاف بیٹنگ جاری ہے، لنکن ٹیم نے 4 وکٹوں کے نقصان پر 71 رنز بنالیے ہیں۔ پاکستان کی جانب یاسر شاہ نے 2 جبکہ شاہین شاہ آفریدی اور حسن علی نے ایک ایک وکٹ حاصل کی۔سری لنکن کپتان ڈیمتھ کرونارتنے 1، اوشادا فرنینڈو 35، کوشل مینڈس 21، اینجلو میتھیوز صفر بناکر آؤٹ ہوئے۔

قبل ازیں میچ کے آغاز سے قبل سری لنکن کپتان ڈیمتھ کرونارتنے نے ٹاس جیت کر پہلے بیٹنگ کا فیصلہ کیا، انہوں نے کہا کہ پچ بیٹنگ کیلئے سازگار ہے کوشش ہوگی پہلی اننگز میں بڑا ٹوٹل لگائیں اور پاکستانی ٹیم کو پریشر میں لائیں۔

اس موقع پر قومی ٹیم کے کپتان بابراعظم نے کہا کہ پاکستان کیلئے آل راؤنڈر سلمان علی آغا ڈیبیو کررہے ہیں جبکہ محمد نواز اور یاسر شاہ قومی ٹیم میں واپسی ہوئی ہے۔